Табигатьне саклыйк
- Подробности
- Автор: Teacher-rt
-
Категория: Әдәбият
-
Опубликовано 20 Октябрь 2019
-
Просмотров: 421
Воспитатель ДОУ | МБДОУ «Актанышская начальная общеобразовательная школа-детский сад» | Шакирова Альфира Индусовна |
Литературное творчество – стих |
Табигатьне саклыйк
Ходай безгә чиксез бәхет биргән,
Яшәү бүләк иткән кешегә.
Сулар һава, эчәр суын биргән,
Гүзәл табигатьне яшәргә.
Урман-кырлар киң җәелеп киткән,
Елга-күлләр тоташ могҗиза.
Аллы-гөлле чәчәкләрдән тора,
Сандугачлы җәйге манзара.
Ямьле җәйне алтын көз озата,
Табигатьне мана төсләргә.
Җиләк-җимеш, яшелчәләр бирә,
Икмәк өләшә тырыш кешеләргә.
Салкын кыш алыштыра көзне,
Ап-ак төскә керә бар ялан.
Күңелләргә сафлык, ял өләшә,
Тынып кала тирә-як җиһан.
Табигатькә сихри яз килгәндә,
Бар тереклек итә тантана.
Җирдә кабат шау-шу ишетелә
Һәм киредән тормыш башлана.
Менә шушы гүзәллекне никтер
Күрә белми кайбер кешеләр.
Саклый белү түгел, ә һаман да,
Җимерергә генә телиләр.
Җир Ана бит шундый мәрхәмәтле,
Зинһар, зыян салмыйк, кешеләр.
Кадерен белик, баларга кушыйк,
Алар да бит яшәргә телиләр.